تويوتا ياريس للبيع الشروق
مصر || منذ 33 أيام
الماركة : تويوتا
الموديل : ياريس
الدولة : مصر
السعر : 350000 جنيه
حالة السيارة : مستعملة
الوصف
للبيع تويوتا ياريس 2007
الأعلان طويل شويه معلش بس هيريح اللي جاد في الشراء فرجاء قراءة الأعلان جيدا (دقيقتين أو أقل).
أول يد من الزيرو ، مانيوال
عداد 450 ألف كيلومتر
شورت بلوك 1500 شبه زيرو ماشي 20 الف علي العربية او أقل
لسه هثبته علي الرخصة مستني رقم الصادر فقط.
فيها رخصة حتي 25 مارس 2025 مرور الشروق.
صيانات منتظمة توكيل تويوتا العبور حتي 270 ألف كيلومتر
و صيانات منتظمة بدون تأخير مرة واحدة كل 10 آلاف كيلو بره التوكيل عند مراكز محترمة جدا أشهرهم عند المحترم المحترف الخلوق م. محمد عمار.
تم تركيب السنتر و قلبة زجاج كهرباء و الشورت بلوك و قواعد الماتور عند م. محمد عمار
والابواب و الكوالين القديمة كلها موجودة.
عملت حادثة من 8 سنين ، جات في الاكصدام الأمامي و الفوانيس و كبوت و زجاج أمامي و رشيت القايمين الامامي و جزء من الحلق بسبب عصرة بسيطة في القايمين و اللي هايجي يعاين هعرفه مكانهم بالضبط و الحته اللي تم استعدالها و الحته اللي اترشت في حلق البابين.
(والعربية اتفحصت مرتين من المرور بعد الحادثة بدون اي مشاكل او تعليقات منهم)
و فتحت ال 2 إيرباج
و تم تغيير إيرباج السائق و تم تغيير المفجر بتاع الطابلو مع مجاري كرسي السائق في حملة الاستدعاءات الخاصة بالتوكيل و يتبقي قشرة الطابلو و البرمجة و هراعي كل ده في السعر.
و من أقل من سنتين رشيتها كلها تاني للتجديد (بحب امشي بالعربية بتلمع) و صارف عليها رش فقط اكتر من 25 ألف و اللي هيكشف هيعرف الخامات المستخدمة و نظافة الرشة الأخيرة بدون مسمار شك واحد.
عفشة ممتازة مفيش أي صوت تماما و بغيير أي قطعة غيار بالاصلي بالاخص في الميكانيكا و العفشة و حاليا العفشة فقط محتاجة (طنابير و تيل أمامي) و يمكن جلب مقصات.
تكييف و كمبريسور سليم 100٪ بدون اي تعديلات.
جنوط رياضية مقاس 16 إيطالي فيات و كاوتش إنتاج أخر 2020
طقم ليد بفوانيس جديدة.
شاشة 10 بوصة بكاميرا خلفية وينكا أبل كار بلاي و أندرويد (وايرلس) رامات 6 جيجا و مساحة 128 جيجا وينكا و مايك خارجي و سماعات جديدة دابل بيز صوتها خطير.
أنا مهبط العربية كلها بسبب كتر السفر بس تهبيط متوسط مش واطية أوي مع الجنط مديها ثبات ممتاز و كمان شكلها بصراحة أحلي ????.
السعر قابل للتفاوض (المحترم) (مش البسيط) بعد المعاينة
، أنا مراعي الكيلو متر (مع اني غيرت الشورت بلوك و حالته زيرو) و الرشة الكاملة و موضوع الايرباجات في السعر المعلن و هراعي اكتر و اكتر بعد المعاينة للي هحس أنه جاد في الشراء.
سعر الجنوط و الشاشة معدي ال 30 ألف جنيها.
المعاينة بموعد مسبق مصر الجديدة كل يوم من 9 ل 3 ماعدا الجمعة و السبت.
و الجمعة و السبت و أي يوم بعد 7 في مدينة الشروق.
و طبعا جاهز للكشف في أي مكان في نطاقي و لو في حاجة غير اللي قلته الكشف علي حسابي.
بقول تاني العربية شبعانة فلوس و معايا من الزيرو و بفضل الله مفيش مرة واحدة عطلت مني من الزيرو و الحاجة الوحيدة اللي فيها موضوع القائمين لكن الماتور ميكانيكا و عفشة و تكييف و صالون حالتهم ممتازة و كل اللي محتاج يتعمل من وجهة نظري علشان تبقي عربية مفيهاش غلطة: 1- قشرة تابلو و برمجة الايرباج.(الحزام شغال) و انا ماشي بيها بقالي 8 سنين كده و ننزلهم من السعر المعلن كمان. 2- طنابير و تيل أمامي و ديه حاجة استهلاكية مليش دعوة بيها ???? ( بهزر طبعا ). 3- عايز نزاهة رش الاكصدامين.
رجاء شخصي قبل مناقشة السعر معايا خد لفة علي أسعار السوق و التنفيذ و الجروبات و كده كده اللي هايجي و ناوي يشتري والله هيمشي مبسوط و مرضي.
انتهت صلاحية الاعلان.يمكنك مشاهدة الإعلانات المشابهة في الأسفل
السعر:
1050000 جنيه
2024-05-05
السعر:
700000 جنيه
2024-05-05
السعر:
570000 جنية
2024-05-05
السعر:
625000 جنيه
2024-05-05
السعر:
620 جنيه
2024-05-05
عدد الكيلمومترات:
152000 كم
السعر:
300000 جنيه
2024-05-05